Царевата нова облека

Претставата за деца „Царевата нова облека“ е работена според познатата приказна на Ханс Кристијан Андерсен. Таа се занимава со темите на самобендисаноста и себичноста, кои го тераат човека да гледа единствено кон себе, наспроти емпатијата и грижата, кои му даваат поширок светоглед. Доброто наспроти злото и лагата наспроти вистината. Повеќеслојноста на текстот отвора и други теми, но овие се клучните кои треба да ја засегнат најмладата публика. Во претставата публиката е директно вклучена заземајќи страна и тоа придонесува за активно размислување на децата. Сето тоа е  прикажано и раскажано на многу игрив и динамичен начин, преку креативни сцени, дијалози, низ танц и песна.